做法： 1 ) 將砂糖魚膠粉啫喱粉混和溶於滾水中.放涼.

將少許熟油搽勻蛋殼模(容易脫模).

將啫喱水倒入一半蛋殼(最好倒入藍色蛋殼這邊.)放回雪櫃雪四小時.

(唔想佢跌來跌去，我地就要用到佢)

2 ) 椰漿.砂糖同魚膠粉煮溶.放涼小小.放一湯匙落碗，加少許食用色素(按自己喜歡深淺色)攪勻.注入針筒內. 續一由上至下注入啫喱中.(自己喜歡乜野形都得.)再放回雪櫃雪一陣.

3 ) 將餘下啫喱水倒入另一蛋殼.將有花嘅蛋殼合埋一齊.放回雪櫃雪佢四小時.

4 ) 取出雞蛋.之後用牙籤沿邊挑出.(小心分出有花定冇花個面.我地要冇花個面.)

5 ) 取一湯匙椰漿落碗加少許綠色食用色素攪勻.注入針筒內.由中間位直插到花底注入.做成花莖.